إسكريبت صالحني
.
قعدنا نشده من بعض لحد ما اتقطع !
قعدت دقايق استوعب اللي حصل وروحت اڼهارت علي السرير أعيط ..
مكنتش بعيط من إنه انقطع .. بعيط من قلة اهتمامه .. وعدم اعتذاره عن صوته العالي حتي لو أنا كنت السبب ..
بس انتهزت فرصة لده وعيطت ..
_ أنت علي طول عند وعياط ! ليه علي طول نكد نكد أنا زهقت !
كنت حاطة إيدي علي وشي وبعيط من قسوته ومن إني وصلتنا للمرحلة دي .. قعد دقايق جنبي في صمت وبعدها خرج من الأوضة .. جريت وراه لقيته بياخد مفاتيحه ونازل !
لا وكمان لبس شراب تاني من شراباتي المهزق عديم الډم ..
نزل من غير ما ينطق كلمة زيادة .. فضلت مڼهارة ساعة قبل ما أخيرا أقرر أنزل الحضانة اللي بشتغل فيها مدرسة ..
كنت كئيبة جدا ولما واحد من العيال عصبني ضړبته بالعصاية لأول مرة !
مكنتش في حالتي .. كان الزعل متمكن مني ..
رجعت البيت مخڼوقة .. لا وإيه .. الحلوف ما اتصلش يقولي منك لله حتي ..
الفون رن بعد رجوعي بساعتين ..
_ ألو .
_ ....
_ لما مش ناوية تردي رديتي ليه من الأول .
_ تمام هقفل .
_ مليون مرة أقلك مبحبش الكلمتين دول وبيجيبوا لي الضغط .
_ معلش اشرب كركديه.
_ يا ولي الصابرين يارب .. روحتي
_ أنت إيه رأيك في الحوار ده يعني .
_ يبقي روحتي .
_ والله .. أنت متصل تقهرني
_ خير
_ منك لله .. سلام .
طلع حلوف ولوح تلج ! ما شاء الله
بالصلاة على النبي كدا هو أنا حبيت البني آدم ده علي أساس إيه
قعدت اعمل الأكل وأنا سرحانة .. خلصته وروحت تلقائيا ادورله علي شرباته ..
مشكلة أزلية ملوش ذنب فيها عشان انا بنسي بحطهم فين .. وهو مليون مرة يقولي اشيلهم مع شرباتي .
فتحت الكومودينو لقيت مبلغ مالي مربوط في أستيك.. وجنبهم جواب فيه ورقة .. فتحته وبدأت أقرأ
تونة حبيبة قلب ديما .. الوحيدة اللي بتقولي الاسم الدلع الغريب ده .. أنا عارف إني غلطان وإني اتعصبت عليك .. كذا مرة انبهك بلاش خناق بعد ما ارجع مباشرة .. بس أنا قررت لما أرجع نتعاتب ونتصالح .. أنا من غيرك مش بعرف اتنفس .. اكل .. اشرب .. مش بعرف اعيش من غيرك .. أنت كل حاجة حلوة في حياتي .. أنا آسف إني خليتك ټعيطي .. خدي الفلوس دي هاتي بيها الشرابات اللي عاوزاها مكان اللي اتقطع .. وهرجع بدري النهاردة نتكلم
حبيبك ديما
مكنتش مصدقة اللي قريته وزي الهبلة قعدت
