رحمة أنتي يا بت
انت في الصفحة 1 من 3 صفحات
رحمة انتي يابت يا رحمة
جريت عليها وانا خاېفة وبقول
نعم يا ماما
اتعصبت وقالت بزعيق وصوت عالي
تأتي هتقولي يا ماما يابت مش قولتلك أنا مرات عمك متقوليش ماما دي تاني بتقولي ماما ليه
دموعي نزلت علشان خۏفت لتضربني ف قولت وانا حطه ايدي على وشي
بقولك يا ماما علشان انتي اللي ربتيني
برقتلي وقالتلي بتحذير وهي بتشير صابعها السبابة
كملت كلامها وهي بتزقني
واجري روحي اغسلي المواعين
رجعتها وقولتلها وانا مړعوبه منها
مش عارفه أطول
قالتلي بزعيق
حطي الجردل واقفي عليه
روحت عملت زي ما قالتلي وشوية وخلصت المواعين وانا مش قادرة لأني مكنتش طايله الحوض والماية ڠرقت هدومي
خلصت وطلعت بره قولتلها
انا جعانة أوي
كانت قاعده على التليفون ومعبرتنيش وكأن مفيش حد اتكلم وقفت شوية خاېفه اقولها تاني تتعصب تليفونها رن وردت وكانت امها بتكلمها وبتقولها انها جاية
انا جعان اوي يا ماما
بصتلي وقالت بعصبية وكان في ايديها سکينة مسكاها علشان بتعمل الاكل وشوحت بيها وقالت
تاني هتقولي ماما
قصدي طنط
لفت وشها ورديت عليا وهي بتكمل طبخ
اعمليلك سندويتش جبنة
منا فطرت سندويتش جبنة الصبح
بس بابا بيجي الساعه 11 ودلوقتي الساعة 5 وانا جعانة اوي
قولتلك اعملي سندويتش جبنة مردتيش
قولت بتردد وانا خاېفة من ردة فعلها
طب ينفع اكل معاكوا لما تاتا تيجي
سابت اللي في ايدها ونزلت لمستوايا وقالتلي وهي بتهزني
لأ طبعا مش عايزة اشوفك بره الأوضة بتاعتك دول ما ماما موجوده هنا فاهمه
حاضر فاهمه
سبتها ودخلت الأوضة قعدت اعيط ومكنتش عارفه أعمل إيه كل يوم باكل سندويتش جبنة وانا زهقت وعلطول بتعاملني وحش وعمي بيكون في الشغل وبيجي متأخر وعمي هو اللي بيربيني لأن بابا ماټ في حاډثة وأمي ماټت وهي بتولدني
استحملت كل ده وانا كان عندي 10 سنين مكنتش اعرف اي حاجه ولا كنت عارفه اعمل ايه
كبرت وبقيت اعتمد على نفسي وكنت بشتغل بجانب الدراسة علشان اعرف اتعلم واكل واشرب وطبعا ماما اللي هي تكون مرات عمي اللي ربتني هي اللي خلتني اشتغل واصرف على نفسي لأن اول ما عرفت انها حامل كانت بتسيبني من غير أكل كنت يدوب ممكن اتغدى بس أو أكل لما عمي يجي بليل وكانت بتعاملني أكني خدامة عندها وكانت بتضحك على عمي ومفهماه إنها بتأكلني وواخده بالها مني والمصروف اللي كان عمي بيسبهولي كانت بتاخد مني ولما كبرت شوية مكنتش بيخليني اروح الدروس هي المدرسة بس اللي اروحها لولا إني كنت شاطرة في المدرسة وكنت بعرف اذاكر لوحدي مكنتش زماني في كلية
دلوقتي
نسيت اعرفكم بنفسي أنا
