إسكريبت لحبيبة فتحي

انت عايزني اكون خدامة انت لية بايعني وعايز تكسر ب نفسي أنا بنتك الوحيدة أنا معايا شهادة وخريجة كلية هندسة من شقى امي اللي كنت مخليها خدامة هيا كمان انا مش قليلة عشان اكون خدامة 
_مترديش علياا اعملي ب لقمتك في البيت دا انا مش هعيش اصرف عليكي بكرا هتروحي شغلك أنا كلمت الناس خلاصص ودا العنوان سهل ميتوهش وخدي شنطة هدومك ملكيش قعاد هنا طالما قليلة الرباية 

عيني اتملت دموع وقومت من ع الأرض وقولتلة ب حدة وانا بعيط
_ أنا لو مشيت من هنا مش هرجعلك تاني ودخلت اوضتي لمېت كل هدومي ومستحملتش استني ل تاني يوم 
فتحت الباب الساعة 2 بليل والجو كان تلج والدنيا بتمطر وهو قاعد باصصلي ب لامبلاة مهانش علية يوقفني كان نفسي يقولي اصبري حتي يطلع النهار كان نفسي يمسك فيا واحس منو بالحنية زي ابهات كتير حنينةة بس بصيتلة بصة أخيرة وانا بقفل الباب ونزلت دمعة مني شفقة ع جفاة وقسوه قلبه وقفلت الباب ونزلت اول ما خرجت برا لقيت المطرة بدأت تنزل عليا بغزارة و جسمي بيتلج من السقعة دخلت مدخل البيت تاني من البرد مش عارفة اروح فين ومش هخبط علية تاني مهما يحصل فضلت قاعدة ع السلم لحد لما المطرة تخلص كان بدأ نهار ربنا يطلع مشيت ف الشارع لوحدي وكنت خاېفة اووووي وركبت مواصلات ووصلت العنوان بس مش عارفة تحديدا انهي بيت سألت شخص معدي ع العنوان اللي معايا وعرفت المكان بالظبط وشاورلي ع انهي بيت شكرتة بعدين سألتو ب توتر 
_انت تعرفهم 
رد عليا بقلق وقالي
_ مين ميعرفهمش دول ولاد أكابر وسيطهم مسمع ف المكان كلو وعملو نفسهم من شقاهم بس عيبهم حاجة واحدة يعني اكيد فاهماني هيا البنات 
قولتلة بخلان
_انا فعلا  الظروف أجبرتني اشتغل عندهم متعرفش ليا شغل تاني غير دا أو حتي نفس الشغل بس يكون مثلا مكان فية ستات أو بنات زي يعني أسرة كاملة حاجة زي كدا
قالي _لا والله مش عارف ليكي شغلانة كويسة حاليا لو لقيت هسأل عليكي واوصلك شكرتة ومشيت اترددت اطلع كتير بس انا مليش مكان تاني اروحو 
طلعت اخر فلوس كانت امي مديهاني من ورا ابويا واشتريت بيهم نقاب وقبل ماطلع كنت لابساة خبطت عليهم ب خوف فتحلي واحد منهم وقالي انتي ليالي بنت عم حسين اللي كلمناة اكتفيت ب اني اهز راسي ب ايوة ومنطقتش
ضحك عليا وقالي
_انتي خارسة ولا اية طب ادخلي تعاليي هعرفك علينا كلنا وع مكان اوضتك أنا حسام 
ودا عمرو اخويا الوسطاني اللي تحتي علي طول
_ اهلا ياامو ليالي منورانا والله لقيت حسام اخوة حدفة بالمخدة وكمل وقالي 
_واللي نايم جوا يبقي مالكك اخونا الكبير وفية اتنين اصغر يوسف اصغر مني ب تلات سنين بياخد شاور جوا ف الحمام ومؤمن اصغر واحد وبيجيب فطار من تحت بقي كدا عرفتينا كلنا ابونا وامنا عايشين برا مصر ماما من ايطاليا بابا مصري عادي ودي بقي اوضتك اللي هتعيشي فيها 
هزيت راسي ل تاني مرة لقيت عمرو بيقولي بضحك بس عم حسين مقالناش انك خارسة بجد سكت ودخلت ع المطبخ كان فية تل مواعين بدأت اغسلهم ببص ب جمب عيني لقيت يوسف اخوهم خارج بالبرنص اټخضيت ولفيت وشي بعيد عنو عشان مبصش بالغلط علية رمي عليا السلام ومردتش لقيت حسام بيقولوا 
_متكلمهاش يايوسف دي بتتعامل ب لغة الصم والبكم يوسف فضل يضحك هو وعمرو عليا ولقيت اخوهم مؤمن طلع من تحت وجايب الفطار وبيتكلم بحماس _خدي ياامو نقاب انتي دا فطار بقي فول وطعمية وبتنجان وبطاطس حضريهم كدا عشان ناكل بقي كلنا 
خدتهم من ايدو بتوتر وحضرت الفطار ف اطباق ليهم ودخلت احط هدومي ف دولاب اوضتي وخارجة لقيت مالكك ف وشي بيفطر معاهم متكلمش اي كلمة تقريبا كان سامع