بنتين من امريكا

اسكريبت بقلمي إيمان شلبي 
بنت عمك جايه من امريكا بكره يافارس يابني عايزك تروح تجيبها من المطار هي واختها
رد باستغراب 
بنت عمي !
جايين يزورونا يعني
عصام وهو بيتنهد بحزن
لا هيعيشوا معانا هنا
رفع حاجبه بتساؤل
يعيشوا معانا ليه مش فاهم 
هو مش امهم عايشه
ضحك عصام بسخريه
اه بس اتجوزت بعد مۏت عمك ب اربع شهور 

رد بذهول 
معقوله!
عصام وهو بيهز رأسه بتأكييد
اتجوزت حته عيل صايع قد عيالها مفكره نفسها لسه شابه!
فارس پصدمه 
مجنونه ديه ولا ايه ازاي تعمل كده افرض طلع مش كويس هي مش خاېفه علي بناتها
بنتها الكبيره كلمتني من كام يوم وهي مڼهاره قالتلي انها هترجع علي مصر هي واختها بسببه
فارس وهو بيقفل نص عينه بشك
بسبب جوز امها
للاسف طلع شخص مش كويس زي ما بتقول والبنات قالولها بس هي مصدقتهمش عشان كده هما عايزين يرجعوا علي مصر يعيشوا هنا قولتلهم بيتي مفتوح لحد ما نقدر ندبرلهم مكان قريب مننا يعيشوا فيه 
فارس وهو بيتنهد بضيق 
تمام يابابا ينوروا بس انا مش فاضي بكره عندي شغل كتير اوي معلش خلي آسر يروح يجبهم هو
آسر ببرود وهو بياكل 
مش فاضي عندي تمرين
فارس پغضب وهو بيهبد علي الصفره 
يأخي ايه البرود اللي فيك ده!!
آسر وهو بيشاورله بغيظ
احترم نفسك يافارس متنساش اني اخوك الكبير
الكبير مش بالسن يا استاذ الكبير بمقامه وتصرفاته 
لو انت الكبير زي ما بتقول كان زمانك واقف جنبي وشايل عني الحمل في الشغل شويه بدل مانا واقف بطولي كده!
بس ازاي هو حضرتك فاضي كفايه عليك البنات الزباله اللي تعرفها والأماكن الحړام اللي بتروحها كل ليله
آسر بغيظ وڠضب وهو بيقوم يقف وبيهبد علي الصفره
قولتلك احترم نفسك ومتتكلمش معايا بالاسلوب ده بدل واقسم بالله اضربك
قام وقف هو كمان وهو بيميل بنص جسمه وبيبص في عيونه بتحدي 
طب وريني كده هتعملها ازاي
جز علي أسنانه وهو بيكور أيده 
يابني متستفزنيش متخلنيش ازعلك
رفع حاجبه بتحدي اكبر 
انا عايزك تزعلني وريني هتعملها ازاي و....
عصام وهو بيقف وبيهبد علي الصفره 
بس اخررس منك ليه والله عال اوي اللي بيحصل ده 
علي آخر الزمن هتضربوا بعض وانا قاعد في وسطكم اومال لما اموت هتعملوا ايه هتخصلوا علي بعض!!
فارس بغيظ 
يعني حضرتك مش شايف يابابا اللي هو بيعمله يعني مش كفايه أنه عاطل لا شغله ولا مشغله وصايع وبتاع بنات وكل يوم مع واحده شكل بيغيرهم زي الهدوم اللي عليه!
مش حرام اللي هو بيعمله ده حضرتك مدلع آسر زياده عن اللزوم وده مش صح و....
آسر بنبره غليظه
ملكش دعوه انا حر في حياتي مش انت اللي هتتحاسب مكاني خليك في حالك ياسيدي ايه اللي مزعلك انت دلوقتي
فارس وهو بيبصله بحزن ونبره مكسوره
اللي مزعلني أن انت اخويا 
اللي مزعلني اني بحبك وعايز مصلحتك 
اللي مزعلني اني مش عايزك تفضل مكمل في الذنب اللي بتعمله 
اللي مزعلني انك مش قريب مني زي زمان يا آسر 
اللي مزعلني أن آسر اخويا بتاع زمان بقي واحد تاني كل تصرفاته غلط في غلط 
حتي النصيحه مش قادر يتقبلها مني!
اللي مزعلني انك محسسني اني عدوك 
بالرغم اني معملتش حاجه تستحق كل الكره ده 
كل اللي عملته كان لمصلحتك
نفخ آسر بضيق وهو بيقعد علي الكرسي وبيبصله بملل
اسطوانه كل يوم المشروخه بقولك ايه بلاش نفتح في اللي فات أفضل ليك لأن صدقني لو اللي فات اتفتح هتزعل مني أضعاف مضاعفه
بصله فارس بحزن وعيونه بتلمع بالدموع والندم
اتنهد تنهيده طويله واخد الفون والمفاتيح بتاعته ولف جسمه وخرج من البيت من غير ما ينطق ولا حرف زياده
آسر بغل وحقد 
في داهيه
عصام بحزم وهو بيبصله بقرف 
اعمل حسابك انت اللي هتروح بكره تجيب بنات عمك من المطار
قال جملته ومشي من قدامه من غير ما يسمع رده
نفخ بضيق وهو بيهمس بغيظ
كانت ناقصه بنات عمي دول كمان 
العاشره والنصف صباحا في مطار القاهره الدولي
بص علي الساعه بضيق وهو بيجز علي أسنانه
مش فاهم انا ايه كل التأخير ده مش ام الطياره المفروض توصل الساعه ١٠!
الفون بتاعه اتهز برقم عصام فرد بنبره مټعصبه
الو
انت فين يابني
رد باستغراب 
هو ايه اللي فين مانا متنيل واقف في المطار بقالي تلت ساعه والهوانم لسه مشرفوش
لسه مشرفوش ازاي بنت عمك لسه مكلماني وقالتلي انها وصلت من بدري
وانت مش موجود
رد بعصبيه وهو بيشد علي شعره 
مش موجود ازاي يعني أومال خيالي هو اللي واقف في المطار!
يابني دور كويس
سكت لحظه وهو بيبص حواليه بعدها رد ببلاهه
بابا 
ايه
بابا احنا اصلا منعرفش شكلهم
عصام وهو بيفتح بوقه بذهول 
ايه ده صحيح احنا بقالنا كتير مشوفنهمش!
طب والحل 
استني يا آسر هكلمهم اسألهم لابسين ايه
رد بسخريه 
طيب
قفل معاه وفضل يبص حواليه 
كان في ناس كتير جدا وبنات كتير جدا
لمح بنتين واقفين في ركن بيدورا بعيونهم علي حد
كانوا بنتين قمه في الجمال والرقه
بنت طويله وجسمها رشيق شعرها اصفر وطويل وعيونها زرقا ورموشها طويله وفي نمش في وشها
لابسه بنطلون جينز وجاكيت جلد اسود وبوط طويل ولابسه بورنيته علي شعرها ومعاها شنطه سفر كبيره وبتتكلم في الفون مع حد
والبنت التانيه مكانتش بنفس جمال الأولي إلا أنه اول ما بصلها اتخطف!
قصيره شويه عنها رشيقه عيونها عسلي شعرها بني قمحيه جمالها جمال مصري
كانت لابسه بنطلون اسود وبالطو اسود طويل وسيفتي اسود وعامله شعرها علي هيئه كحكه عشوائيه
عماله تبص يمين وشمال وهي بتنفخ بضيق 
فجأه بصتله بلهفه وقربت منه هي واختها
انت آسر
بلع ريقه ورمش بعيونه اكتر من مره 
ا أ وعي تقولي أن انتوا
البنت الكبيره وهي بتمدله ايديها بلطف
ازيك يا آسر انا دنيا وديه اختي جميله
سلم عليها وهو بيبص في عيون جميله بهيام 
فعلا جميله
رفعت حاجب ونزلت التاني وهي بتبصله من فوق لتحت بقرف
مالك ياعسل ما تظبط كده بدل ما ارزعك كف خماسي الابعاد يعميك!
فتح بوقه بذهول وهو بيبص لدنيا
ايه ده ياغاليه!
ايه مالك 
انتوا متأكديين ان انتوا كنتوا عايشين في امريكا!
دنيا وهى بتضحك وبترد بصوت رقيق 
والله اه 
يعني مكنتوش عايشين في بولاق!
توء توء امريكا
بصلها وهو بيضرب كف فوق التاني بذهول 
سبحان الله ويخلق ما لا تعلمون
جميله وهي بتهزه من أكتافه 
بقولك ايه ياكابتشن الله يخليك وقفلنا تاكسي ولا ميكروباص ولا اي حاجه عشان نروح الواحد من كتر الوقفه رجله ورمت والله
ميكروباص!!!!
بصت لاختها وهي بتسألها باستغراب 
هو ماله تعبان في دماغه ولا حاجه!
دنيا وهي بتهز رأسها بنفي 
لا مستغرب حضرتك والمصطلحات الغريبه اللي لا تليق ببنت كانت عايشه في امريكا!
هزت راسها بفهم
ااااااه قولتيلي اومال لو عرف اني بعرف اعمل محشي ورق عنب هيعمل ايه
دنيا بيأس
هيغمي عليه
آسر وهو بيشاورلهم بأيده
اتفضلوا يلا عربيتي برا
جميله بفرحه وهي بتجري علي برا 
ويلكم ياوطني الحبيب
آسر وهو ماشي جنب دنيا وبيبص لآثرها بذهول 
هي ديه اختك متأكده ولا هما بدلوها في المطار ولا ايه !
هزت راسها بيأس 
للاسف هي
البارت الثاني بقلمي إيمان شلبي 
سالخير ياعمي سالخير يامرات عمي سالخير يابن عمي
قالتها جميله وهي بتقرب من كل واحد فيهم وبتاخده بالأحضان بكل تلقائيه وعشم
فضلوا يبصوا لبعض بدهشه وذهول وهما فاتحيين بوقهم ببلاهه من تصرفات البنت اللي المفروض جايه من امريكا مش من حي السيده زينب!
اتنهدت بتعب وهي بترمي نفسها علي الكنبه وبترفع عيونها لكوثر مرات عمها
عندكوا اكل ايه ياطنط انا واقعه من الجوع
اتدخلت دنيا وهي بتبصلها بتحذير وإحراج 
جميله عيب كده
بصلها