إسكريبت ازاى يا أمى بقلم امينة رأفت
انت في الصفحة 1 من صفحتين
_ ازاي يا أمي تعملي حاجه زي كده هو انا عيل قدامك
يا حبيبي و الله انت راجل و سيد الرجاله .. بس انا كنت بعمل كده لمصلحتك
_ مصلحتي ازاي يا أمي .. ابقي رايح اخطب عروسه و عاجبني و كله تمام فحضرتك تلاقي اختها احلي منها ف تجوزيهالي .. ايه العقليه دي
بتعلي صوتك عليا يا عيسي
روحت بوست اديها و دماغها _ حقك عليا يا أمي انا مقصدش .. انا بس مضايق من اللي حضرتك عملتيه .. خلاص يا أمي اللي حصل حصل لبست في العروسه خلاص
_ و انتي ابنك يترفض برضو يا حاجه
حاسب يا ولا لا تطير
تضحكت من الهم و المصېبه اللي انا فيها
فلاش باك
كنت رايح انا و امي أتقدم لبنت .. امي اللي جابتها شوفت شكلها عاجبتني مليش انا في الحب اللي قبل الجواز ده ولا العلاقات و الحاجات دي انا مبدأي ان الحب بيجي بعد الجواز روحت و قعدت مع ابوها و مامتها خرجت البنت و اختها معاها .. عرفنا عمي عليهم
... تجاره انجلش يا بابا لو سمحت
هههه .. خلاص متزعليش تجاره انجلش
_ طيب يا عمي انا يشرفني اني اطلب بنت حضرتك الانسه ن.....
قاطعتني امي _ الانسه عائشه
انا اټصدمت و هم اتصدموا بس تداركوا صدمتهم بسرعه
_ اسكت انت دلوقتي .. ها ايه رأيك يا حج
و الله نشوف رأي العروسه
بصتلها لقتها احلي كتير من اختها كتير كفايه عيونها تداركت نفسي و فوقت قولت انا كنت جي اخطب اختها ايه اللي انا بفكر فيه ده
فوقت من سرحاني علي ردها
هصلي استخاره يا بابا بعد اذنك و بعد كده هنبقي نرد عليك
باك
عدي يومين و انا يتمني انها ترفض تالت يوم لقيت ابوها كلمني و قال
ازيك يا عيسي با ابني
_ الحمد لله يا عمي .. اخبار حضرتك انت ايه و العيله الكريمه
كل تمام الحمد لله
_ يا ريت اتصالك ده يكون في اخبار افرح
حسيت لما قال كده بفرحه غريبه
_ ان شاء الله يا عمي .. هاجي في المعاد .. سلام عليكم
قفلت مع الراجل لقيت ماما لزقه جنبي
_ يا أمي حرام عليكي خضتيني
المهم يا ولا .. قالك ايه
_ عندك شك اني اترفض
قامت زغرطت في ساعتها قعدت اضحك ركزت في ملامح امي باين عليها الفرحه اوي للدرجه دي جوازي هيفرحها ده
