روايه بنات القسۏه كامله
..
فجاه رحيم جوز منال دخل الاوضه واتفاجي بالمنظر ..
شد سميره وقعها على الارض وضربها بالقلم وقال انتي اټجننتي يا ست انتي عايزه ټموتي بنتك ده انت عقلك خف خالص ....
رحيم قرب من منال انتي كويسه
منال بتتكلم بصعوبه ايوا انا كويسه .. خدها من هنا يا رحيم والنبي ..
رحيم راح ل سميرة وشدها وقال قومي قومي خلينا نخلص منك .. انا مش عارف عقلي كان فين أما وافقت انك تيجي هنا ..
منال يالهوي .. لتكون ماټت يا رحيم ..
رحيم لا يا ستي دي اغم عليها .. هاتي اي حاجه افوقها ..
منال جابت برفان ورحيم قعد يفوقها .. شوية و سميرة فاقت ..
سميرة ااه يا دماغي .. هو حصل ايه يا رحيم يا ابني ..
رحيم بزعيق يعني مانتيش عارفه حصل ايه فجاه سمعت صوت غريب ف الاوضه دخلت اشوف فيه ايه لقيتك بتحاولي تخنقي بنتك .. انا مش فاهم انتي ازاي تعملي كده ..
رحيم والله فاكره مش فاكره مش موضوعي انا مش هسمحلك تقعدي في بيتي اكتر من كده .. قومي معايا يلا اوديكي عند هند ..
سميرة بصتله پانكسار وقامت من علي السرير .. وقربت اللي بنتها اللي بعدت عنها پخوف ...
سميرة سامحيني يا بنتي والله انا مكنش قصدي آذيكي بس انا والله مش فاكره اي حاجه وعموما انا همشي عشان اريحك من همي انا عارفه ان انا حامل تقيل اوي عليكوا يا حبيبتي انا اسفه ...
سميره بصت لرحيم بدموع رحيم يا ابني انا عايزاك تحجزلي عند دكتور عشان اعرف مالي انا دايما بنسى حاجات كتير وفي حاجات بتقع مني ..
رحيم من غير ما يبصلها طيب طيب هبقى اشوف الموضوع ده ...
فضلوا ساكتين وشوية ووصلوا بيت هند اللي استقبلتهم ببرود ..
رحيم لا انا مستعجل ورايا شغل .. خديها اهي ودي شنطتها ..
هند اخدت الشنطه وقفلت الباب .. كانت سميرة قاعده علي الكنبه ف الصاله ..
هند بصت لها پحده وقالت اسمعي بقى طول ما انتي قاعده هنا ملكيش دعوه بجوزي او بعيالي تخليك قاعده في الاوضه وخلاص وانا هدخلك الاكل والشرب لحد عندك .. ولو عوزتي تروحي الحمام تقوليلي وانا اجي ادخلك انما انتي متتحركيش في الشقه كده بمزاجك ..
هند انا النهارده عازمه اهل جوزي على الغداء هتدخلي الاوضه ومش هتطلعي منها طول ما هما موجودين واياك تخرجي منها .. سامعه..
سميرة حاضر والله .. طيب انتي مش عايزة اساعدك ف الأكل بدل ما انتي واقفه لوحدك ..
هند لا مش عايزة منك حاجة .. اهل جوزي لو عرفوا ان انتي اللي عاملة الاكل هيقرفوا منك ..
سميرة دخلت الاوضه وفضلت قاعده فيها طول اليوم .. كانت حزينه انها بقيت لوحدها بالشكل ده .. وف نفس الوقت هي عارفه ان بناتها مشغولين ..
أما هند خلصت الأكل ولبست وفضلت مستنيه اهل جوزها ..
هند احمد كل حاجة جاهزة .. اهلك فين ..
احمد جايين اهو .. اسمعي اوعي امك تطلع من الأوضه مش ناقصين ۏجع دماغ ..
هند لا يا حبيبي ما تقلقش انا نبهت عليها وما تطلعش بره الاوضه ..
احمد طب اقفلي عليها الباب من بره بالمفتاح احتياطي محدش عارف ايه اللي ممكن يحصل ..
هند بدلع حاضر يا قلبي ..
هند فعلا قفلت الباب بالمفتاح بالراحه .. وشوية وأهل جوزها جم .. فضلوا يتكلموا ويضحكوا وياكلوا .. أما سميرة كانت سامعه صوت ضحكهم وبتبتسم من قلبها وبتدعي لبنتها بالسعاده بس فجأة حست انها عايزة تخش الحمام ..
سميره يا دي الحوسه طب اعمل ايه انا .. هحاول اخرج من غير ما احد منهم يشوفني وكده كده الحمام جنبي على طول ..
سميرة جت تفتح الباب لقيته مقفول .. ف قالت تستني شوية أما
