مش قولتلك
بيوريني وأنا بجري على الشاب
بصي احنا ك تيم شايفين إن المشهد ده حلو جدا جدا يمكن أحلى ما كان هيتمثل ف احنا بنستأذنك إننا نحطه في الفيلم لو معندكيش مشكلة.
كانت الكلمات كتيرة وأنا مش فاهمه حاجة يحطوا مين ومشهد ايه وأنا بعمل ايه دلوقتي اصلا!
أنا عايزه اروح
احنا مش هنضغط عليك هنديك مهلة تفكري والأستاذ هيروحك متقلقيش.
مش هتوافقي
معرفش
ابتسم بس المشهد حكاية أنت فكرتيني مېت بجد
أيوه أنا سمعت صوت صړيخ وأنا أعده وفجأه لمحتك على الأرض
كنت لوحدك في مكان زي ده بتعملي ايه اصلا!
بصيت على الدبلة منه لله اللي كان السبب
اه
ربنا يتمملك على خير
كانت أخر كلمة اتقالت لحد ما وصلني لمكان في عربيات وتكاسي
اداني كارت ممكن تخلي ده معاك ولو وافقتي او رفضتي اتصلي عرفيني
بصيت على اسمهشكرا يا يا يوسف.
ركبت تاكسي وروحت أخيرا بعد ساعات الأكشن اللي عشتها
أنت فين يا رنا أنا فكرتك اتخطفتي
رميت الشنطة وقلعت الدبلة رميتها ابقي اتصلي بالشملول وقوليله خلاص رنا بح
دخلت اوضتي وغيرت هدومي واترميت على السرير والكارت في ايدي فضلت أفكر لحد ما روحت في النوم.
صحيت على صوت ماما قومي يا هانم صباح الخير أحمد جه خد حاجته ومشي
الحمدلله هم وانزاح أنا اصلا وافقت عليه عشان خاطرك تعالي بقى احكيلك حصل معايا ايه امبارح
قعدت قدامي وحكيتلها على كل حاجة
تمثيل يا رنا!
ضحكت فقرية شوفي اللي في صالحك واعمليه يا بنتي
بوستها بحبك
ربنا يخليك ليا ياللي هتجبيلي جلطة
بعد الشړ عليك يجميل
قومت جبت الكارت واتصلت على الرقم رد وعرفته بنفسي واتفقنا نتقابل في مكان التصوير
لبست تيشيرت اوفر سايز وبنطلون جينز وربطت شعري وكان هو بعتلي اللوكيشن
نزلت واتمشيت شوية لقيته واقف وفي ايده ورق وبيقرأ منه
ازيك عامل ايه
ابتسم الحمدلله أنت ايه الاخبار
الحمدلله أنا جيت عشان اقولك إني موافقة
قال بدهشة بجد !
اه والله يعني عشان يبقى بمناسبة شكر على اللي عملته معايا امبارح
قال سؤال فاجئني دبلتك فين
نعم
اټصدمت وضحكت من قوة ملاحظته لا أصل أنا فركشت
ايه فركشتي في اربعة وعشرين ساعة !
ضحكت احنا في عصر السرعة
هو اللي سابك لوحدك امبارح مش كده
فعلا
مش زعلانة
ابتسمت ازعل لو كنت بحبه برضو حتى لو كنت بحبه مكنتش هكمل مع واحد بيقلل مني ومن أسلوب حياتي مفيش حب من غير احترام
ابتسم عندك حق
سمعنا صوت بينادي عليه عشان يجهز
ماشي أنا همشي أنا بقى وأنت روح كمل الكلام خدنا
هتمشي ليه
ضحكت هقعد ليه
اقعدي اتفرجي يمكن نبقى زملاء عمل!
سكت لثواني
