ها يا انسة
انت في الصفحة 3 من 3 صفحات
.. ركزي معايا بقى
مفيش مشكلة لو إنت متعصب أو مضغوط .. رن عليا وطلع غضبك فيا وأنا همتص كل ده عادي جدا ليه عشان أنا الست الشايلة العاقلة الراسية الراكزة
إنتي معندكيش كرامة
كرامتي في دبلتي .. ها بقى قولت هتيجي إمتى تقابل بابا
أنا مش هتجوز خالص .. أنا قررت أعيش عازب .. تحيا العزوبية .. يلا جواز بلا كلام فاضي
نعم يا أختي .. من غير إيييه .. إنتي جاية تلبسيني مصېبة ولا إييييه
إنت بتخلى بيا تاني .. مكنش العشم يا أحمد
عشم إيييه هو أنا عشمتك بحاجة وأنا معرفش
مش من الصبح عمالين نتكلم في جوازنا .. والولاد تحب ندخلهم ال AUC ولا الجامعة الأمريكية أحسن
أنا من رأيي ندخلهم جامعة عمالية قسم خراطة .. يكش يخرطك قطر يا بعيدة .. عيال إيه وجواز اييييه
اسكتي مش أنا نسيتها وأنا بتوضى
يعني إنت مرتبط
خاطب وحياتك .. تحبي تعرفي مين
لو أمكن وبسرعة عشان أنا بغلي دلوقتي
يارب تفوري
أخلص
خاطب بنت خالتي إللي سألتي عليها في الأول .. أقولك حاجة كمان .. أحلى منك .. وأشيك منك
بس إنت مبتحبهاش يا أحمد
طب وأنا
إنتي بقى شوفي إنتي رايحة فين
يعني إيه .. يعني خلاص أنا مش هشوفك تاني .. مش هلمسك مش هحكي ليك عن حاجة ۏجعاني
فوقي يا شيرين .. يلا يا ماما .. شوفي إنتي رايحة فين
يعني ده أخر كلام عندك وخلاص هتتجوز بنت خالتك غيط العنب
أه هتجوز بنت خال .. ثواني كدا وإنتي عرفتي منين إن خالتي إسمها غيط العنب
ما كان من الأول يا آبن الهبلة كان لازم
كل الفرهدة دي خلصت نص الباقة
متنسيش بقى يا حبيبتي تبعتي بقية المقاولة .. ومتنسيش تعزميني في فرح المحروس .. يلا يا حبيبتي بااي من غير سلام .. سلام يا عريس
