يقين
حلمي بس لقيت فيها أجمل قدر يتشاف فالحياة..
كنت بشوفك من بعيد و للأسف عقلي كان ساذج جدا ساعتها كنت بتخيل لونك .. عيونك .. خدودك .. ملامحك.. كل حاجة كنت بتخيلها مثالية.. بس اتت طلعت أجمل مما تصورت..
حور عين عالارض يا جدعان..
و أنهى كلامه بغمزة و هو بيمسك خدودها..
بصتله و عيونها هتدمع.. و معرفتش تنطق و لا تاخد رد فعل .
مسكت وشها بين إيديه و ركز أنظاره على عيونها مباشرة
و أنا بعشقك..
بادلته النظرات بحزن حاولت تخفيه بس فشلت بصلها بتفحص و قالها
رغم كل دا لسه حاسة إنك عايزة تشوفيه إوعي تفكري إني بعدتك عنه الا لاني شايف مصلحتك فكدا.. و..
اي اللي انت بتقوله دا! عمري ما أشك فيك أبدا! انا عارفة انه من حبك ليا مقدرتش تشوفني لغيرك.. بس عمري مافكرت كدا..
أنا بس...
سكتت و الحزن مالي وشها.. قرب منها و قعدها جنبه و حط إيده على كتفها و قالها
عيون سيف مش عايزك تزعلي أبدا انا فاهمك.. و اللي في النصيب هيحصل.. يلا انهاردة تكريم لأفضل مذيعة على أفضل قناة عربية.. و أول مذيعة مصرية منتقبة..
بصتله بإبتسامة مليانة معاني كتير و أهمها حبها للشخص دا.. حاوطت وشه بإيديها و هي مبتسمة
انت اللي أحلى حاجة حصلت فحياتي بجد ربنا يديمك نعمة و زوج صالح... مش قادرة أوصف اللي جوايا بس أنا فرحانة ان ربنا رزقني بإنسان زيك.. رغم انك ماتولدتش ملتزم بس ما أحلاك بعد الالتزام يا سيفو..
تؤ تؤ تؤ تؤ اي يا أم محمد دا.. مش هخرجك من البيت كدا..
يا عيون سيفو و قلب سيفو..
اتكسفت جدا و طلعت تجري للأوضة..
قعد عالكرسي ببوز زي الستات القديمة..
_ اما نشوف أخرتها فالكسوف دا! خلفت شحط و لسه بتتكسف.. يا مراااي
بعد ساعتين ..
كان واقف بيبتسملها من ورا الشاشة.. و بادلته الإبتسامة من تحت النقاب..
و أول خبر حديث كانت هتقوله إتصعقت من الصدمة أول ما شافته..
أكبر تاجر مخ درات قت ل مراته!!
قالت بصوت عالي و صدمة
ماهر!!!!!
محستش بنفسها الا و هي بتجري و لا سامعة صوت اللي بينادوها و لا حاسة انها عايشة فالدنيا أصلا..
بعد نص ساعة تقريبا.
_ وسعلي كدا عايزة اشوفه..
تشوفي مين يا آنسة..
اللي لسه جاي امبارح
_ هو.. بسرعة الهي يسترك..
ډخلها للزنزانة اللي هو فيها..
دخلت و بصت عليه فعلا حالته كانت ساعتها تصعب عالكافر..
كان قاعد و وشه
