أحببت خرصاء

تانى يا سما فاهمه....
هو صوتي مش بيطلع أساسا ياباشا بس مصطفى عارف اني لما اشوح وابقي حمره يبقا انا بعلي صوتي.
كان نازل بكل حماس ونشاط كدا ابتسم كالعاده وقال...
زين صباح الخير... وكمل طريقه.
هيغمي عليا وربنا كتلة حلاوه و شياكه والابتسامه يووووه انا عايزه اتجوزه ودلوقشي.
٭٭٭
قاعده في البنش الاول زى ماقال.....
فضلت سرحانه فيه شويه وأتمنيت الوقت يقف وانا بتأمل فيه وبعدين فوقت واندمجت مع الشرح ونسيت نفسي ورفعت ايدي لقيت كل المدرج قعد يضحك..
نزلت ايدى وقعدت مكاني تاني من الاحراج.. 
زين سما اتفضلي كنتي عاوزه تقولي ايه
ماهو انا مستحيل اقف تاني....
لقيته جه قدام البنش وميل .
زين يلا سامعك قولي !
اتحرجت وبعدين كتبت اللي عاوزاه في ورقه وخدها رجع مكانه وقراها ...
زين تمام فكره هايله يا سما وأعمال السنه بتاعتك اعتبريها مضمونه وكل متخلف ضحك ناقص في مادتي 
دلوقتي انا واقفه قدامه في المكتب ومش عارفه ابدأ ازاي ياريتني مسمعت كلام قلبي...
زين اتفضلي يا سما عاوزه تقولي حاجه 
اخيرا اتحركت ومسكت ورقه وقلم من اللي كانو قدامه وكتبت..
شكرا ليك علي تشجيعك ليا ولكل الثقه الي اخدتها من حضرتك ودي حاجه بسيطه مني ...
فردت الورقه كويس ومدت ايدى بيها ليه.
قرأها وبص علي العلبه اللي قصداه وابتسم وفتحها.
زين اي دا بسبوسه بحبها اوي..
بدأ يكل بتلذذ وكأنه مأكلش بسبوسه من زمان.
وفي نص الاكل رفع ايده في علامه انه ممتازه وعجبته .
ابتسمت وانا سرحانه وبص ليا بعد ما خلص اكل لقاني ببصله اتكسفت ونزلت وشي في الارض اتفادي نظراته.
زين بضحك ارفعي وشك علي فكره مش هعرف اكلمك كداا....
اااه قصده اني افهم حركه شفايفي بس انا بحس بقلبي يعني اتكلم عادي رفعت وشي ليه....
زين عارف ان الكلام الحلو بيأثر فينا وعارف انه بيدى ثقه في النفس مش هقولك طنشي كلام الناس لان الكلام ڠصب عننا بيأثر بس هقو........
فجاء بدون سابق انذار دخلت واحده.....
البنت زين حبيبي انت تزعل من باباك تسيب البيت طاب مراتك...
حد سامع صوت قلبي هي قالت مراته صح انا سمعت صح.......... يتبع 
الفصل الثالث... 
البنت جريت علي زين وحضنته..
زين حاول يبعدها عنه ب الراحه وقال نرمين خلاص..
واقفه مصدومه مراته واتحرجت انا ازاي كنت متشعلقه باحبال دايبه كدا ازااي كنت مفكراه امل جديد بس الحمدلله انا لسه علي البر قدمت من المكتب مسكت العلبه الي كان فيه البسبوسه وخلاص باي طريقه حابه امشي من هنا مش عاوزه دموعي تنزل قصداه خلصت وقدمت خطوه من قدامه ....
مسك ايدي مره واحده وقال انسه سما استني 
وبعدين بص لنرمين وفجأة وبصوت عالي انا شخصيا اټخضيت وقال 
نرمين اطلعي برا ومشفش وشك هنا تاني...
نرمين بكسره زين انا.....
زين بضغب نرررررمين.
نرمين قبل ماتطلع بصتلي بقرف ومشيت قعد يهدي نفسه شويه وهو بيتنفس بصوت عالي ولسه ماسك ايدى ...
وقف قصادى وقال بحنيه اسف علي اللي حصل!
هزيت كتفي بمعني عادي محصلش حاجه ...
زين طاب ممكن بس العلبه !
بصتله بستغراب ابتسم وبانت غمزاته لا كدا كتير وحرام ولله هضعف وانت راجل متجوز يا جدع
وبنفس نبرته الهاديه قال هتحسي الموضوع غريب شويه بس امي كانت دائما معوداني ان الطبق ميرجعش فاضي ...... 
ابتسمت
وحطيت العلبه في ايده ومشيت.
منار همام
قاعده لوحدى ودماغي بتودى وتجيب تمام مش مشكله مش اول مره اتخزوق يعني.
حسيت بحد قعد جنبي ااه اكيد مصطفى .
مصطفى اي مالك المرادى واحده جديده مصحابكي علشان الامتحانات ولا حد قالك حاجه ضايقتك.
اتنهدت وبدأت اشرح لمصطفي