إسكريبت صالحني

اتنطط .. اخدت الفلوس ونزلت بسرعة اشتريت حاجة وجيت .. عملت محشي فلفل وصينية مكرونة بالباشاميل عشان بيحبهم .. ولبست دريس بنفسجي بسيط ..
استنيته كتير بس مجاش .. وتليفونه مقفول ..
قلقت عليه جامد جدا واتصلت بيهم في الشغل اكدولي انه مشي من ساعتين ..
راح فين طيب
اتصلت بحماتي واخته مفيش برضه .. خلاص دماغي بتودي وتجيب لحد ما سمعت صوت المفتاح في عقب الباب .. جريت بسرعة لقيته داخل مبتسم .. وقعدت اتبت فيه ..

_ مالك 
رديت بعياط  
كنت فين ! هنت عليك !
.. رفع وشي من دقني وبصلي  
متهونيش ابدا يا تونة .
ومسح لي دموعي ..
تونة ..اسم دلعي المفضل .. بس مش بحب اسمعه من حد غيره .. بيقولها بطريقة تسحر وتجنن !
_ كنت فين !
_ كنت بربط دي .
لقيت ايده ملفوفة .. اټخضيت وصړخت  
إيه ده ايه اللي حصل امتا وفين انطق !!
_ مسمعتيش من اعمالكم سلط عليكم .
_ انا مدعيتش عليك والله انا قلت عليك حلوف .
_ حلوف !!
_ ولوح تلج .. آسفة حقك عليا.
باس راسي هو كمان  
انت اللي حقك عليا .. أنا آسف إني اتعصبت .. بصي .. عارفك معترضة إن الشغل واخد كل وقتي .. بس انا بعمل كدا عشانك .. عشان لما تحتاجي حاجة تلاقيها .. أنا اكتر واحد عاوز يقعد معاكي اطول وقت ... بس اوعدك الضغط هيخف شوية لما اترقي .. هانت .. 
_ وانا كمان اسفة اني عصبتك ونكدت عليك واوعدك مش هنكد عليك لمدة ٣ ايام .
زقني وضحك  
يلا يا بت من هنا أبو فصلانك بجد .
_ ايه ده ايه اللي ورا ايدك التانية !
_ احم .. ده عربون صلح .
قدملي صندوق تقيل شوية .. فتحته بشغف لحد ما لقيت ٣ كتب كنت دايخة عليهم !
عيني دمعت تاني .. 
مبسوطة اوي انه طايب بخاطري .. انه لسة مهتم
انه لسة بيحبني ...
_ ايوة بحبك يا هبلة 
_ انت سمعت !
_ صوتك عالي .
سبته لحظات ورجعت انا كمان بصندوق .. بصلي باستغراب فقلتله  
استثمرت فلوسك وفلوسي وجبتلك هدية انما ايه اورجانيك .
_ يعني دي مش فلوس الشراب بس .
_ تؤ تؤ وفلوسي .
فتحها وشاف الساعة اللي جبتهاله .. المرة دي وقعدنا مدة طويلة علي الوضع ده .. بصتله في عينه شوية فابتسم وقال  
_ عاوزة ايه .
_ تصالحني .
_ انت حولة !
_ لو مش حولة مكنتش حبيتك ..
الانسان البسيط .. اقل حاجة بتفرحه .. بينبسط بسرعة ويتصالح بسرعة .. قلبه مش بيشيل وبينسي .. لو كلنا بقينا بسطاء .. حبنا لبعض هيكون بسيط .. مش فيه تعقيدات ابدا !
والغزالة رايقة 
والناس الحلوة سايقة 
يا سيدي يا جماله ماله ضغط كتير عليه ..
ما تقرب مني حبة ..
لا لسة
شوية حبة ..
طب وحياة المحبة ما دام جيت جنبي خلاص خليك ..